CHOCKY AWAOMBA RADHI MASHABIKI NA WAPENZI WA EXTRA BONGO.

MKURUGENZI wa Bendi ya muziki wa dansi ya Extra Bongo, Ally Chocky amewataka radhi wapenzi na mashabiki wa bendi hiyo kwa kutokufanya shoo zake kadhaa za jijini Dar es Salaam hivyo kuwasababishia usumbufu wa hapa na pale.

Chocky ameyasema haya leo wakati akirejea Jijini baada ya kwenda Mkoani kwa ziara ya Morogoro ambapo walifanya shoo kwenye Chuo cha Sua na jana walikuwa Mpwapwa Dodoma ambapo Bendi ilipokelewa na kuitikwa na watu lukuki.

Amesema Chocky,Bendi inalejea jijini leo na wanamuziki wote watakuwa kwenye mapumziko ya leo na kesho na jumanne wataanza mazoezi ya kujipanga na shoo za wiki za jijini Dar es Salaam ambapo Jumatano hii watakuwa katika Ukumbi wa Sunciro,Alhamis ni Mzalendo Pub ambapo wanawake watakuwa na punguzo maalum la Tsh. 3000,Jumamosi ni Ukumbi wa nyumbani Meeda na Jumapili ni Bonanza Uwanja wa TP Sinza Darajani Jijini Dar es Salaam