MWENYEKITI WA CHAMA CHA POOL KINONDONIA ATAMBA HANA MPINZANI MASHINDANO HAYO TAIFA

Na Michael Machellah

MWENYEKITI wa Chama cha Pool Mkoa wa Kinondoni (KIPA), Goodluck Mmali, ametamba kuwa hana mpinzani kwenye mashindano ya Taifa yanayotarajiwa kufanyika Mkoani Dodoma hivi karibuni.

Akizungumza na waandishi wa habari kwenye kambi ya mchujo wa kuteua wachezaji saba watakao iwakilisha Kinondoni kati ya 15, alisema mchakato ni mgumu sana kwani Vijana wote kiwango ni sawasawa hivyo inahitaji umakini wa hali juu pamoja na kwamba baadhi ya wachezaji aliwagawa Dodoma kwa mkopo ili angalau kuleta upinzani sababu Bunge liko Dodoma.

Wachezaji waliongia kambini ni Abdul Hamis,Abdalh Hussein,Godfrey Mhando,Godfrey Swai,Omry Akida,Ferooz Bushir,Abuu Shaban,Hassan Hamis,Ibrahim Abeid,Frank Mushi, Majaliwa Haruna,Samson Kibuga,Ayub Daniel,Hassan Hamis na Judith Mchfuko pamoja na msimamizi Fred Felix.

Wachezaji wanajifua katika kambi ya Face to Face Kijitonyama chini ya timu Meneja Baraka Kiula.

Mwenyekiti Goodluck aliwataka wakazi wa Dodoma wakae mkao wa kula kusubiri burudani safi kutoka kwa Mabingwa watetezi Mkoa wa kimchezo Kinondoni ambao wanatamba hawana mpinzani.