Subscribe:

Ads 468x60px

Pages

Friday, July 11, 2014

BancABC WAFUTURISHA WATEJA WAO PAMOJA NA WAFANYAKAZI SERENA HOTELI JIJINI DAR ES SALAAM.


 Sheikh Mkuu wa Mkoa wa jiji la Dar es Salaam, Sheikh Alhad Mussa Salum(kulia) akizungumza na wageni waalikwa(hawapo pichani) wakati futari iliyoandaliwa na BancABC kwa wateja na wafanyakazi wa benki hiyo iliyofanyika katika Hoteli ya Serena jana.Kushoto niMkuu wa Huduma za kifedha wa BancABC,  Mwalimu Zubery. 


 Na Mwandishi Wetu
SHEIKH Mkuu wa Mkoa wa jiji la Dar es Salaam, Sheikh Alhad Mussa Salum amewaomba waamini wa dini ya Kiislamu kusameheana katika kipindi hiki cha mfungo wa mwezi Mtukufu wa Ramadhani na kuwasaidia wanaohitaji msaada.

Sheikh Alhad aliyasema haya wakati wa futari iliyoandaliwa na BancABC jana katika Hotel ya Serena kwa wateja na wafanyakazi wa benki hiyo.

"Kwa niaba ya jamii ya Waislamu ningependa kuwashukuru BancABC kwa kuandaa futari jioni ya leo ili kukumbushana katika Imani yetu ya dini ya Kiislamu. Napenda kuwaomba ndugu na jamaa wote kukaa karibu na Mwenyezi Mungu katika kipindi hiki, tukumbuke  kusameheana, kuwasaidia wale wanaohitaji msaada na kusimama imara Imani. Pia, naipongeza BancABC kwa kutambua mahitaji ya jamii yetu hasa wafanyakazi wa serikalini na kuamua kuanzisha bidhaa mpya ya Mkopo Rahisi iliyoenea nchi nzima. Nawatakia kila la kheri katika kutimiza majukumu yenu ya kila siku ili kuwapatia wateja wenu huduma bora zenye kiwango cha kimataifa.”, alisema Sheikh Al-haad Mussa.

Nae Mkuu wa Huduma za kifedha wa BancABC,  Mwalimu Zubery alisema, "BancABC inawathamini sana wateja wake na ni heshima sana kwetu kujumuika na ndugu zetu kipindi hiki cha mwezi Mtukufu wa Ramadhani. Tungependa kuwashukuru wateja wetu kwa ushirikiano wenu, hafla kama hizi zinatusaidia kuwafahamu wateja wetu vizuri ili kuweza kuwapa Huduma bora zaidi”.

Mwalim Zubery alimalizia kwa kusema, "Tungependa kuwashukuru wateja wetu wote kwa kuchagua BancABC na tunapenda kuwakumbusha wateja wetu ambao wataenda Kuhijji Macca baadaye mwaka huu watembelee matawi yetu na kupata kadi ya VISA kwa ajili ya kusafiri. Kadi hiyo ya VISA inahakikisha urahisi na usalama wa pesa zako uwapo popote duniani. Wateja wana fursa ya kuchagua kati ya kadi mbili za VISA za malipo ya kabla, moja ikiwa ni Cash Card na nyingine ni Travel Money Card. Kadi hizi ni salama kwa kuhifadhi fedha zako uwapo safarini nje na ndani ya nchi." 
  Sheikh Mkuu wa Mkoa wa jiji la Dar es Salaam, Sheikh Alhad Mussa Salum(kulia) akizungumza na wageni waalikwa wakati futari iliyoandaliwa na BancABC kwa wateja na wafanyakazi wa benki hiyo iliyofanyika katika Hoteli ya Serena jana.
 Baadhi ya wageni waalikwa na wafanyakazi wa wakimsikiliza mgeni rasmi, Sheikh Mkuu wa Mkoa wa jiji la Dar es Salaam, Sheikh Alhad Mussa Salum(hayupo pichani) wakati wa futari iliyoandaliwa na BancABC kwa wateja na wafanyakazi wa benki hiyo iliyofanyika katika Hoteli ya Serena jana.
 Baadhi ya wageni waalikwa na wafanyakazi wa wakichukua futari iliyoandaliwa na BancABC kwa wateja na wafanyakazi wa benki hiyo iliyofanyika katika Hoteli ya Serena jana. 

WADAU WA BIA YA NDOVU SPECIAL MALT WAFANYA BONGE LA PARTY JIJINI MBEYA BAADA YA BIA HIYO KUTWAA TUZO YA UBORA WA KIMATAIFA.

 Meneja wa Bia ya Ndovu Special Malt, Pamela Kikuli(wa pili kulia), akigonanija chupa za bia ya Ndovu Special Malt  na wadau wa bia hiyo wakati wa  hafla ya kupongezana baada ya bia hiyo kutwaa tuzo ya ubora wa kimataifa(Ndovu High Quality Trophy) kutoka kwenye Taasisi ya Kimataifa ya Monde Selection nchini Ufaransa hivi karibuni.Hafla ilifanyika jijini Mbeya hivi karibuni.
 Meneja wa Bia ya Ndovu Special Malt, Pamela Kikuli akizungumza na wadau wa bia hiyo wakati wa hafla ya kupongezana baada ya bia hiyo kutwaa tuzo ya ubora wa kimataifa(Ndovu High Quality Trophy) kutoka kwenye Taasisi ya Kimataifa ya Monde Selection nchini Ufaransa hivi karibuni.Hafla ilifanyika jijini Mbeya mwishoni mwa wiki.
 Wadau wakipata Bia ya Ndovu Special Malt wakati wa  hafla ya kupongezana baada ya bia hiyo kutwaa tuzo ya ubora wa kimataifa(Ndovu High Quality Trophy) kutoka kwenye Taasisi ya Kimataifa ya Monde Selection nchini Ufaransa hivi karibuni.Hafla ilifanyika jijini Mbeya mwishoni mwa wiki.

MTAMBO WA GONGO KUZICHAPA NA MUDI MBABE JUMAPILI YA AGOSTI 10,2014 CCM MWINJUMA MWANANYAMALA.

 Promotor wa mbambano wa ngumi za usiokuwa na ubingwa, Rashid Kipanga akiwatambulisha, Manenono Osward(Mtambo wa Gongo) kulia na Abdalah Pazi(Mudi Mbabe) wanaotarajia kuchuana Augosti 10,2014.Makubaliano hayo yalifanyika katika Ukumbi wa Mwinjuma Dar es Salaam. 
 Na Mwandioshi Wetu.
BONDIA Mkongwe wa masumbwi, Maneno Osward maarufu kwa jina la “Mtambo wa gongo” jana amesaini rasmi kuzichapa na bondia chipukizi Mohamed Pazi maarufu kwa jina la “Mudi Mbabe”.
Maneno Osward (Mtambo wa Gongo) alisaini jana huku akimtahadhalisha mpinzani wake kuwa yeye hachagui umri,bali mtu yeyeto ambaye yuko tayari na vigezo vimezingatiwa vya Chama cha Ngumi nchini yeye yuko tayari muda wote.
Mtambo wa gongo wa Gongo alitamba kuwa kijana bondia chipukizi anayejiita Mudi Mbabe anataka kumbadilisha jina na kuwa Mudi mnyonge  na katika raundi 6 zilizopangwa hatafika mwisho.
Nae Abdalah Pazi bondia chipukizi alitamba yeye hataki ngojela atakachokifanya kwa anayejiita mkongwe wa masumbwi kitakuwa historia katika maisha yake kwani hatafika raundi ya nne.
Mwisho Mudi aliwataka wapenzi na mashabiki wa Ngumi kujitokeza kwa wingi hususani madereva bodaboda ambao ndio wafanyakazi wenzake wajitokeze kwa wingi kumshangilia atakavyomfanya vibaya Maneno Osward (Mtambo wa Gongo) na kumbadilisha jina kuwa Mtungi wa maji.
Mbambano wa Maneno Osward(Mtambo wa Gongo) na Abdalah Pazi(Mudi Mbabe) umedhibitishwa na Rais wa Chama cha Ngumi Tanzania(TBBC), Chaurembo Palasa ambaye aliwataka mabondia wasiwe chanzo cha fujo katika mpambano huo ikiwa ni kukuza na kuendeleza mchezo wa Ngumi nchini.
Mpambano huo utakuwa ni wa KG 78-Super middle weight utakaofanyika katika ukumbi wa CCM Mwinjuma Mwananyamala jijini Dar es Salaam tarehe Augosti 10,2014 kuanzia saa kumi na mbili.
Wasanii watakaotoa burudani katika mbambano huo ni Kikosi cha Mizinga chini ya Uongozi wa Karapina,Sster P pamoja na wengine wengi.
Mgeni rasmi katika mbambano  huo ni Naibu Meya wa Manispaa ya Kinondoni, Songoro Mnyonge.
 Mchezaji wa Nngumi, Maneno Osward(Mtambo wa Gongo) akisaini mkataba wa kupigana na Abadalah Pazi(Mudi Mbabe) Augosti 10,2014 katika Ukumi wa CCM Mwinjuma jijini Dar es Salaam.Kushoto ni Rais wa Chama cha Ngumi Tanzania(TPBC), Chaurembo Palasa akishuhudia
Mchezaji wa Nngumi, Abdalah Pazi(Mudi Mbabe) akisaini mkataba wa kupigana na Abadalah Pazi(Mudi Mbabe) Augosti 10,2014 katika Ukumi wa CCM Mwinjuma jijini Dar es Salaam.Kulia ni Rais wa Chama cha Ngumi Tanzania(TPBC), Chaurembo Palasa akishuhudia. 

Thursday, July 3, 2014

MAJAMBAZI YASHAMBULIA KWA RISASI BASI LA MAGEREZA NA KUTOWEKA NA MAHABUSU ALIYEKUWA KATIKA BASI HILO

 Wananchi katika eneo la Mayfair, Mikocheni jijini Dar es Salaam, wakitazama basi la Magereza lenye namba MT 0046, lililoharibika kwa kusambaratishwa baadhi ya vioo, katika barabara ya Old Bagamoyo, baada ya kushambuliwa kwa risasi na majambazi yasiojulikana ambayo yalifanikiwa kutoweka na mahabusu mmoja aliyekuwa miongoni mwa mahabusu waliokuwa wakisafirishwa kwa basi hilo leo. Katika tukio holo, mahabusu wawili na askari mmoja wa Magereza wamejeruhiwa.
 sehemu ya nyuma ya basi hilo ikiwa wazi baada kioo kusambaratishwa kwa risasi na majambazi hayo kufanikiwa kumtorosha mahabusu kupitia sehemu hiyo.

Kikundi cha Ngoma cha Rugu- Karagwe chatwaa ubingwa wa Mkoa Balimi Ngoma Kagera.

 Baadhi ya wacheza ngoma wa kikundi cha Rugu kutoka Karagwe mkoani Kagera wakishangilia na kitita cha Shilingi 600,000/=mara baada ya kuibuka mabingwa katika fainali za mashindano ya Balimi Ngoma Mkoa wa Kagera yaliyofanyika katika Uwanja wa Kaitaba Bukoba mjini.
Baadhi ya washiriki na mashabiki wa Balimi Ngoma wakishuhudia fainali za mashindano ya Ngoma mkoa wa Kagera yaliyofanyika  katika Uwanja wa Kaitaba, Bukoba mjini.


Na Mwandishi Wetu.
FAINALI za mashindano ya Ngoma za Asili  ngazi ya mikoa zijulikanazo kama “Balimi Ngoma Festival 2014” Mkoani Kagera kikundi cha Rugu chenye makazi yake Karagwe kimefanikiwa kuwaa ubingwa wa Mkoa wa Kagera  na kuzawadiwa fedha taslimu Shingi 600,00/= pamoja na tiketi ya kuwakilisha Mkoa wa Kagera katika fainali za Kanda zinazotarajiwa kufanyika Augusti 16,2014 Mkoani Mwanza.
Nafasi ya pili ya mashindano hayo ilichukuliwa na Kikundi cha Rugoloile cha mjini Bukoba ambacho kilizawadiwa fedha taslimu Shilingi 500,000/= pamoja na tiketi ya kuwakilisha Mkoa katika fainali za Kanda.
Nafasi ya tatu ilichukuliwa na kikundi cha Abagambakamo cha Muleba  ambacho kilizawadiwa fedha taslimu Shilingi 400,000/= na nafasi ya nneilichukuliwa na kikundi cha Alute Continue ambacho kilizawadiwa fedha taslimu shilingi 300,000/=.
Nafasi ya tano mpaka ya mkumi ilichukuliwa na Uviti Ruzinga,Chupukizi,Kasharu,Kabete cha Ihangilo,Jipe Moyo na Upendo Musira hivi vilizawadiwa kifuta jasho cha 150,000/= kila kikundi.Jumla ya Vikundi 11 vilijitokeza kushiriki fainali hizo za Mkoa wa Kagera ngazi ya Mkoa kwa Mwaka 2014.
Akizungumza na kwa nyakati tofauti Meneja matukio wa Kanda ya Ziwa, Erick Mwayela alisema Sababu msinigi ya kuwepo kwa Mashindano ya Balimi Ngoma za Asili ni kuenzi na kulinda utamaduni wa Kitanzania.
Mwayela aliongeza pia kuwa wao Kampuni ya Bia nchini ni sehemu yao ya kurudisha fadhila kwa watumiaji wa Kinywaji cha Balimi Extra Lager pamoja na vinywaji vyote vya Kampuni ya Bia Tanzania(TBL).
Fainali za Mkoa wa Kagera zilifanyika katika Uwanja wa Mkoa wa Kaitaba na fainali za Kanda za mashindano ya Balimi Ngoma zinatarajiwa kufanyika August 16,2014 jijini Mwanza kwa kushilikisha vikundi viwili viwili kutoka Tabora, Shinyanga, Bukoba,  Musoma na Wenyeji wa mashindano Mwanza.

MFARANSA SEAN GARNIER AJA TANZANIA KUONYESHA UMAHIRI WA KUCHEZA MPIRA WA MTAANI HUKU AKIBINUKA SARAKASI NA KUCHEZA DANSI




 Mwanamichezo kutoka nchini Ufaransa Sean Garnier (katikati) ambaye yuko nchini Tanzania kwa ziara maalum ya kimichezo akifafanua machache mbele ya waandishi wa habari mara baada ya kutambulishwa. Pembeni yake kulia ni Meneja Masoko wa Kampuni ya Mohn's John Ntuli na Mkurugenzi wa Masoko Kampuni ya Mohan’s Vijay Joshi.

  
 Mwanamichezo kutoka nchini Ufaransa Sean Garnier akionyesha staili mbali mbali za kucheza mpira mbele ya waandishi wa habari.
 Mwanamichezo kutoka nchini Ufaransa Sean Garnier akionyesha jinsi ambavyo unaweza kupiga danadana huku ukiwa unacheza mziki staili mbali mbali.
  Mwanamichezo kutoka nchini Ufaransa Sean Garnier akionyesha jinsi ambavyo unaweza kupiga danadana na kupita katika tundu dogo huku ukiendelea na mchezo. Picha zote na Cathbert Kajuna wa Kajunason Blog.
Na Mwandishi Wetu, Dar es Salaam.
Mwanamichezo kutoka nchini Ufaransa leo anatarajiwa kuonyesha shoo ya bure ambapo ataonesha umahiri wa kucheza mpira wa mitaani, sarakasi na kucheza dansi.
Mfaransa huyo Sean Garnier ambaye yuko nchini kwa ziara maalum ya kimichezo jana usiku alianza ziara hiyo kwa kuonesha umahiri wake wa kucheza mpira wa mtaani katika viwanja vya ufukwe wa Coco (Coco Beach) jijini Dar es Salaam.
Garnier ambaye anakipaji cha kupiga danadana mpira huku akiweka mapozi mbalimbali alionekana kuwa kivutio mbele ya mkutano na waandishi wa habari ambao walikuwepo kwenye mkutano huo huku akionesha umahiri wake wa kupiga danadana na kucheza na mpira katika barabara ya Alli Hassan Mwinyi baada ya mkutano huo.
Mwenyeji wa ziara ya Garnier, Mkurugenzi wa Masoko Kampuni ya Mohan’s Vijay Joshi alisema kwamba huyu ni mwanamichezo mwenye kushikilia taji la kipaji cha kucheza ‘Free Style’ duniani.
“Ameletwa kwa udhamini wa ‘Redbull Street Sytle’ na atakuwa nchini kwa siku tano ambapo ni kati ya Julai 2 hadi Julai 7 ataondoka.
Aidha mbali ya kumudu kucheza na mpira pia nacheza sarakasi katika mitindo mbalimbali huku akiwataka watanzania kuiga baadhi ya michezo ambayo ataionyesha akiwa atakapokuwa mtaani.
Baadhi ya mitaa atakayo pita ni Kariakoo, Mlimani City, Posta, Viwanja vua Sabasaba, Chuo Cha Biashara (CBE) na Sea Clif Jijini Dar es Salaam.

Monday, June 16, 2014

WADAU WA BIA YA NDOVU WAJIPONGEZA KWA KUPATA TUZO YA UBORA WA KIMATAIFA.


 Meneja wa Bia ya Ndovu Special Malt, Pamela Kikuli akionyesha Kikombe alichoshinda kupitia bia ya Ndovu kutoka katika Kampuni ya Kimataifa ya Monde Selection nchini Ufaransa kama bia  yenye ubora wa kimataifa wakati wa hafla ya kupongezanma na wadau wa bia hiyo iliyofanyika Dar es Slaam .
 Meneja wa Bia ya Ndovu Special Malt, Pamela Kikuli  na Meneja Masoko wa Kampuni ya Bia Nchini(TBL) wakionyesha Kikombe walichoshinda kupitia bia ya Ndovu kutoka katika Kampuni ya Kimataifa ya Monde Selection nchini Ufaransa kama bia  yenye ubora wa kimataifa wakati wa hafla ya kupongezanma na wadau wa bia hiyo iliyofanyika Dar es Slaam
 
Kundi la wasanii wa THT wakitumbuiza wakati wa hafla hiyo.
 
Mkurugenzi wa Masoko TBL,Kushila  na Meneja masoko TBL, Fimbo Butallah wakizungumza na wadau
 
Meneja masoko TBL, Fimbo Butallah na Meneja wa Bia ya Ndovu Special Malt wakiteta jambo
 
Wadau wa Bia ya Ndovu Special Malt wakigonganisha glasi wakati wa hafla hiyo.
 Msanii wa nyimbo za kizaji kipya , Halima Mdee akitumbuiza wakati wa hafla ya kujipongoza kwa wadau wa bia ya Ndovu Special Malt mara baada ya bia hiyo kushinda tuzo ya Ubora wa Kimataifakutoka katika Taasisi ya Kimataifa ya Monde Selection iliyofanyika katika Hotel ya Hayati Kilimanjaro Dar es Salaam





Wadau wakiwa katika hafla hiyo.

SERIKALI YAPOKEA MSAADA WA HELKOPTA KUIMARISHA MAPAMBANO DHIDI YA UJANGILI



Meneja Mipango na Mikakati wa Howard G. Buffet Foundation Tanzania Chapter Bi. Ellen Mutalemwa akitoa rai wakati wa hafla ya kukabidhi Helkopta moja ambayo ni kati ya ahadi zilizotolewa na Mwenyekiti wa Mfuko huo alipomtembelea Rais Kikwete hivi karibuni. Helkopta hiyo imetolewa ili kusaidi juhudi za Serikali katika kupambana na ujangali katika hifadhi za Taifa
Balozi wa Marekani hapa nchini Bw. Mark Childress (kushoto) akizungumza wakati wa hafla ya kukabidhi msaada wa Helkopta kutoka kwa Taasisi ya Howard G. Foundation inayomilikiwa na mfanyabiashara mashuhuri nchini Marekani Bw. Warren Buffet  (hayupo pichani) kulia ni Waziri wa Maliasili na Utalii Lazaro Nyarandu.Hafla hiyo imefanyika jana jijini Dar es Salaam.

Waziri wa Maliasili na Utalii Lazaro Nyalandu akiteta jambo na  Wawakilishi wa Bunge .katika hafla ya makabidhiano ya msaada wa Helkopta kwa ajili kupambana na ujangili nchini Mh. James Lembeli ambaye pia ni Mwenyekiti wa Kamati ya Kudumu ya Bunge Maliasili na Mazingira (katikati) na Mhe. Mch. Peter Msigwa Waziri Kivuli wa Wizara ya Maliasili na Utalii.
Kaimu Katibu Mkuu wa Wizara ya Maliasili na Utalii Dkt.Idd Mfunda (kushoto) na Afisa Mtendaji Mkuu & Rubani Mkuu wa Kampuni ya Helkopta Charter (EA) Ltd Bw. Peter Achammer wakitiliana saini katika hati za makabidhiano ya Helkopta moja iliyotolewa kama msaada na Taasisi ya Howard G. Buffet Foundation ya nchini Marekani.Wanaoshuhudia zoezi hilo ni Waziri wa Maliasili na Utalii Lazaro Nyarandu (aliyesimama kushoto) na Balozi wa Marekani hapa nchini Mark Childress

Waziri wa Maliasili na Utalii Lazaro Nyalandu akiwa amepanda Helkopta ambayo alikabidhiwa kama msaada kutoka Mfuko wa Howard G. Buffet kwa ajili ya kusaidia juhudi za Serikali katika kupambana na ujangili.

Picha na Frank Shija, WHVUM